Приидоша к нему некогда от турьскаго поклисарие <послы>, и егда внидоша к нему и поклонишася по своему обычаю, а кап <шапок, фесок> своих з глав не сняша. Он же вопроси их: «что ради тако учинисте ко государю велику приидосте и такову срамоту ми учинисте?» Они же отвещаша: «таков обычай наш, государь, и земля наша имеет». Он же глагола им: «и аз хощу вашего закона потвердити, да крепко стоите», и повеле им гвоздем малым железным ко главам прибити капы и отпусти их, рек им: «шедше скажите государю вашему, он навык от вас ту срамоту терпети, мы же не навыкохом, да не посылает своего обычая ко иным государем, кои не хотят его имети, но у себе его да держит».
Состояние: to Isengard.