Цікава, мусіць, недзе ў белмоўным фанфікавым асяроддзі (дзе б яно ні знаходзілася) праходзіць акцыя "пакінь каментар да беларускамоўнага фіка", бо цягам апошніх пары дзён пад адным з маіх старых фікаў з'явілася ажно 3 (!) каментара на беларускай. Магчыма, гэты фік патрапіў у нейкую падборку "каментуй іх"? Бо ён, здаецца, нічым значным не выдзяляецца.
Цікава, але прыемна.

А яшчэ ў мяне знайшоўся сашыпер Габі/Мэдзі! І, здаецца, з Японіі, судзячы па смайліках. Ну што, ёсць нагода натхніцца

Але зараз у мяне 2 пачатых фіка (насамрэч тры, але адзін відавочна трэба перарабляць, бо я там даўно захрасла), адзін з якіх мусіў быць кароткім, але пішацца вельмі марудна.

Памяншаю дозу антыпсіхотыка і спадзяюся, што разам з гэтым ідэі вернуцца. Я ўсё ж мяркую, што крызіс ідэй у мяне праз яго, бо ад іншага было падобнае, толькі ў больш суровай форме.

Добра, што на АО3 ёсць статыстыка)
У гэтым годзе я пісала толькі на беларускай, напісала ўсяго 10608 слоў (уключаючы пераклад на 2102 слоў). Трэба адзначыць, што антыпсіхотыкі, нават у мінімальных дозах, усё ж уплываюць на генерацыю ідэяў, мне падаецца. Ці я прыдумляю гісторыі адное калі трывожуся, ці за гэта адказвае тая ж частка мозгу, і калі я п'ю супрацьтрывожныя сродкі, то і генерацыя ідэяў памяншаецца?

Гэта 17 фікаў, большасць з іх маленечкія, большасць - па Дыскасвету Пратчата.
А найбольш кудасаў (17) набраў фік па Гуд Омэнсам, які я напісала амаль адразу пасля другога сезону. Тады, мусіць, чыталі ўсе і ўсё, а любых мовах)

З таго, чым ганаруся - напэўна, двума фікамі па пейрынгу Adora Belle Dearheart/Angua von Uberwald па Пратчату. Хаця было бы добра падрэдагаваць, калі нядаўна перачытвала, штосьці чапляла вока. Мінус таго, што пішу беларускай - бету знайсці цяжка, а адкладаць фікі на некалькі месяцаў (ці хаця б на адзін), каб адляжаліся, не заўсёды хапае імпэту (фідбэку хочацца, нават калі гэта адзін кудас). Звычайна атрымліваецца адкласці да ФБ/ЗФБ, але вось зараз нават адкладаць няма чаго, мусіць, на гэтую ЗФБ я нічога не прынясу...

Можа, мне ўжо паспрабуюць адмяніць антыпсіхотыкі хаця б? Ужо год іх п'ю. Тады, можа, і ідэі папруць)

Гэта быў апошні дзень майго вельмі спякотнага адпачынку, тады акурат абяцалі ўжо менш гарачае надвор'е, і мы скаталіся ў Заслаўе. Раней там толькі тата па справах быў.
Пачалі з цэнтральнай плошчы, дзе стаіць "Я Заслаўе" ў вельмі прыемных колерах, а трохі далей, у скверыку, стаіць скульптура Ізяслава, у гонар якога горад і названы. Падняліся да касцёла, ля якога на вузкіх вулачках стаяць дамкі, таму фоткаць яго не надта зручна, але ён быў зачынены (і судзячы па дошках побач, там ідзе вялы ці актыўны рэмонт). Потым пайшлі да былой кірхі, а цяпер праваслаўнай царквы, якая стаіць на месцы старажытнага гарадзішча (насыпныя валы захаваліся троху). Прыгожанькая і дагледжаная, і ўнутры вельмі прыемная - звычайна мне няўтульна ў праваслаўных цэрквах, але гэтая, можа таму што будынак не навадзел, ці што людзі адэкватныя, але было нармалёва. Яшчэ там драўляны разны алтар. Люблю такое.
Вяртацца мы пацйшлі іншым шляхам, прайшлі паўз ручаёк і сажалку з качкамі. Ля сажалкі калісьці ўсё гвалтоўна прыводзілі ў парадак ці то да Дажынак, ці то да Дня беларускага пісьменства, але год 10 ужо, мусіць, прайшло, і зараз усё ў стане "калісьці тут нешта рабілі, і штосьці яшчэ засталося". Побач парк для дзяцей з рознымі лазілкамі ды скульптуркамі.
Прайшлі ля краязнаўчага музея (там былі млын, кузня, калі не блытаю, і яшчэ нешта), але мае ўнутр не захацелі. З іншага боку, краязнаўчыя музеі сапраўды падобныя адзін да аднаго сваімі выставамі.
Пасля мы думалі пад'есці, але нешта ў той дзень у Заслаўі з гэтым аказалася цяжкавата. Папілі кавы і пайшлі ў ці не галоўны пункт прызначэння - музей маляванкі, які адкрыўся не так даўно. Маляванка - гэта карціна, маляваная на, звычайна, якой палатніне, звычайна самавукамі. Напачатку мінулага стагоддзя (і гадоў да 60-х) імі ўпрыгожвалі хаты сяляне. У музеі тры залі: Алены Кіш, Язэпа Драздовіча, і зборны розных (часта невядомых) аўтараў. Мы ўзялі экскурсію, бо хацелася з толкам пра ўсё даведацца, і сапраўды было цікава (і прыгожа). І там можна фоткаць (фоткі я, вядома, яшчэ нікуды не скінула).

Уласна, на гэтым усё. З ежай мы, аднак, пракалоліся ў той дзень)

Мне сёння снілася, што я ў Японіі Разам з сям'ёю, прычым прыехалі мы на цягніку А потым згубіліся, у сэнсе, нейкім чынам раздзяліліся, калі сышлі з цягніка, і я спрабавала напісаць Л. і маці, потым падумала, што ў маці ж не падключаны роўмінг, яшчэ недзе хадзіла, патрапіла на нейкую імпрэзу (?), на якой размаўлялі ці то па-руску, ці то па-беларуску (у Японіі, ага). Потым мы ўсе сустрэліся назад. І я ўсё спрабавала даведацца, якім чынам дабрацца да філармоніі, дзе мусіў выступаць Юзу (а ён фігурыст, на хвіліначку!). Нешта там было дзіўнае з метро, быццам шмат кароткіх ліній, і трэба было зразумець, як туды дабрацца. У кагосьці запытвала, калі называла Юзу, людзі адразу пачыналі добра так усміхацца, і ўсё такое. Потым мы засяліліся ў гатэль, там яшчэ быў нейкі дзіўны пакой з нізкай столлю. А потым сон скончыўся На Юзу ў філармоніі я паглядзець не паспела)

Мусіць, гэта ўсё - вынік чакання новых Юзушоў у канцы лютага і пачатку сакавіка. На жаль, мне толькі спадзявацца, што будуць лайвстрымы (ці хаця б запісы...). Калі б у мяне хаця б шэнгенская віза зараз была, то мела б сэнс паспрабаваць латарэю (квіткі на ягоныя шоў прадаюцца праз сістэму латарэй, бо занадта шмат жадаючых). А так...

А, яшчэ у сне не бачыла акіяну, але ўвесь час было пачуццё/веды, што ён недзе недалёка.

===
Трэба неяк напісаць, як мы ў Брэст з'ездзілі на мой дзень нараджэння, пакуль не забылася.

Такі цікавы сон сёння бачыла, быццам у маёй музыкалцы ставяць Прывіда Оперы, але са змененым сцэнаром (і некаторыя арыі мусілі быць іншымі, напэўна?), і там нават было, што сэр Эндру нават даў дазвол (без грошай) xd І ролі мусілі выконваць і вучні (былыя?), і настаўнікі. Цікава, што ў ролях былі і тыя, хто ўжо ў Беларусі не жыве, і ў маёй музыкалцы не вучыўся (напрыклад, артысты ТМ). Але ў сне было вельмі цікава, і мне падабалася, я бачыла часткова рэпетыцыі, здаецца. І на ютуб збіраліся выкласці запіс потым.

Наогул цяпер увесь час сняцца сюжэтныя сны, вельмі цікава. Але гэта, здаецца, сведчыць пра тое, што сон неглыбокі.

Зрабіла сабе спіс ключавых слоў нешта кшталту writober і да яго падобных, але без пэўных часавых межаў. У ідэале пісаць хаця б 1 драбл у 2 дні на адно са слоў, але як атрымаецца.
Словы брала рандомна з каляндара "Лёгкая мова".
Ключавыя словы

Футра Футра (Трандуіл, Феран, згадваецца Торын; джэн)
Ламачча Ламачча (гномы ў Рывендэле, джэн, гумар)
Сякера Сякера (Монескін, джэн ці прэслэш Даміяна/Этан)
Цэбар Цэбар (Цыры/Містле, фем, R)
Дзяга Руны не маняць (Торындуіл, PG-13)
Паліца Моваю кветак (Ліндзір/Элранд, Гларфіндэль)
Філіжанка Філіжанка (Габі/Мэдзі, аднабокія пачуцці)
Краска
Прысады
Дах
Імпэт
Руды (Не)звычайная працэдура (Драмцінары, джэн/прэ-слэш, гумар)
Адданы Адданы (Вік, Этан, джэн)
Жаласлівы
Валіза Валіза (00Q)

Бонусная цытата:
Толькі чыстыя сэрцы бачаць сапраўдную прыгажосць (Брыль)

Хочацца такі ўпісацца ў малую форму, а то апошнім часам што ні пачынаю - усё за 1000 слоў атрымліваецца. Трэба патрэніраваць сцісласць